Прекрасна вест: Светот наскоро повторно ќе го види Шумахер

Легендарниот пилот од формула 1, Михаел Шумахер веќе подолго време се бори за живот и неговата здраствена состојба е мистерија за светот.

Меѓутоа, сега конечно пристигнаа убави и оптимистички вести и тоа од неговиот добар пријател и претседател на автомобилската федерација, Жан Тод.

Тод во интервју за „Дејли Меил“ откри дека неодамна повторно го видел Шумахер кој се наоѓа во својот дом во Швајцарија.

„Го видов Шумахер минатата недела. Се бори! Се надевам дека и светот ќе го види наскоро. Тој и неговото семејство вложуваат многу напор и труд да се случи тоа“, оптимист е Жан Тод.

Легендарниот германски возач се повреди при пад на скијање на 29 декември 2013 година, по што имаше неколку операции на главата и 254 дена минати во болница.