Потврдено: Аплицирање за карти за Суперкупот од 13 јуни!

Оваа година на 8 август ќе одржи најголемиот спортски настан во историјата на нашата земја, а УЕФА денес објави како ќе може да се стигне до толку посакуваната карта.

Интересот секако е огромен, брзина не е потребна, само среќа, а ќе одлучува само УЕФА и никој друг. Процедурата е иста како и за картите во Лигата на шампионите и Лигата на Европа.

Се аплицира на следниов линк, кој во овој момент не е активен.

https://supercup.tickets.uefa.com/lottery/welcome_en.html

Времето за Аплицирање е од 13 јуни до 4 јули кога УЕФА преку мејл ќе ги извесити добитниците, а плаќањето ќе се врши потоа.

Наскоро треба да се потврдат и официјалните термини, а според неофицијални извори цените ќе се движат од 15 до 50 евра.