Постигнат договор: Ибрахимовиќ и следната сезона во Милан

Златан Ибрахимовиќ постигнал договор за продолжување на соработката со Милан, ексклузивно пренесува „Кориере дела Сера“.

39-годишниот напаѓач ќе остане во Милан уште една сезона, а неговата плата останува иста, 7 милиони евра.

Договорот на Ибра со Милан завршува во јуни, но приоритет на клубот беше да го задржи и следната сезона, иако Ибра наскоро ќе наполни 40 години.

Ибрахимовиќ покажа дека е исклучително важен за Милан, а неодамна и самиот потврди дека е спремен да го продолжи договорот.