Поранешната ѕвезда на Баерн стави крај на кариерата!

Поранешниот фудбалер на Баерн Минхен и Манчестер Сити одлучи да стави крај на својата богата кариера.

Мартин Демикелис на крајот на оваа сезона заминува во фудбалска пензија.

Фудбалерот кој своите име го градеше Ривер Плата, најголемата слава ја стекна во Баерн Минхен со кој четири пати стигна до титулата во Бундеслигата, а играше и во финалето од Лигата на шампионите кога Баерн беше поразен од Интер.

Патот го водеше во Малага, потоа во Манчестер Сити, каде што остана три сезони, за потоа да заигра за Еспањол, кариерата ја завршува во Малага на свои 36 години.

Демикелис запиша и 51 настап за репрезентацијата на Аргентина, со која играше во финалето на Светското првенство и финалето на Копа Америка.