Порака од Азар до Челзи: Сакам да знам кој ќе биде наш тренер!

Белгиецот наводно е незадоволен што клубот не прави апсолутно ништо околу разјаснување на иднината на Антонио Конте и тоа што се уште не се работи на засилувањата.

Не е тајна дека директорката на Челзи, Марина Грановскаја, забрзано работи за договор со Конте за заминување, а паралелно со тоа клубот наводно е во преговори со неколку тренери (Сари, Лоран Блан, Славиша Јокановиќ). Засега прв кандидат е Србинот Јокановиќ.

Во меѓувреме од тренинг кампот на Белгија стигна порака до Челзи.

„Ја оставам управата на Челзи да ја работи работата која најдобро ја знае, но би сакал да знаме кој ќе биде наш тренер наредната сезона. Да, би сакал тоа да го знам, иако сега сум фокусиран на Мундијалот. Ако добиваме нов тренер или играчи, секогаш е добро да бидете во тек. Сакам во Челзи да играат фудбалери кои можат да донесат успех“, изјави Азар.