Понуда која не може да се одбие: Деле Али го прави трансферот на кариерата?

Одличниот играч за врска на Тотенхем, Деле Али без сомнение е еден од најдобрите фудбалери во светот.

Овој 21-годишен фудбалер целосно експлодираше во дресот на лондонскиот тим, а стана и незаменлив член на репрезентацијата на Англија. Али и оваа сезона игра одлично. Поради тоа, често е поврзуван и со заминување од Тотенхем, а англиските медиуми тврдат дека наскоро би можел да направи голем трансфер и да стане член на Манчестер Јунајтед.

Се разбира, „Црвените ѓаволи“ за услугите на одличниот играч на Тотенхем се подготвени да понудат дури 180 милиони фунти, што по трансферот на Нејмар од Барселона во ПСЖ би бил најголемиот трансфер во историјата на фудбалот, а и најголем трансфер во англија на сите времиња.

Сепак, ова сега за сега се само шпекулации. Али има договор со Тотенхем, а покрај Јунајтед, интерес за неговите услуги претходно покажаа Реал Мадрид и Барселона. Интересно, Али во 2015. година пристигна во Тотенхем од МК Донс за „само“ пет милиони фунти и покажа дека неговиот трансфер е најдобра завршена работа во историјата на клубот.

Али оваа сезона одигра 16 натпревари. Седум пати се запиша во стрелците, а четири пати асистираше за гол.