Дома Трансфер зона Повторно се отвара можност Видал да се врати во Серија А

Повторно се отвара можност Видал да се врати во Серија А

Чилеанскиот фудбалер Артуро Видал пред неколку дена се врати од одморот и се приклучи на Барселона за новата сезона.

Видал пред една година пристигна во каталонскиот клуб од Баерн и неговото доаѓање беше изненадување за многумина на „Камп Ноу“.

Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓


Во минатата сезона може да се каже дека Видал имаше пристојна минутажа, но со доаѓањето на неколку нови играчи во средниот ред веројатно во новата сезона ќе игра многу помалку.

Конкуренцијата во Барса е навистина жестока и се очекува некој од играчите за врска кои се во втор план да си заминат до крајот на преодниот рок.

Шпанските медиуми шпекулираат дека токму Видал би можел да биде тој играч.

Наводно, Интер повторно се активирал и ја контактирал Видал за да се распраша околу ситуацијата на фудбалерот.

Интер сака Видал да го доведе на позајмица од една година со опција за откуп на крајот од сезоната.

Видал како што е познато веќе играше во Италија каде што го носеше дресот на Јувентус со кој освои три Скудета. Тогаш Јувентус беше предводен токму од Антонио Конте кој сега е на клупата на „нероаѕурите“.

Коментари
Прочитајте поврзани статии
Load More In Трансфер зона

Проверете

Ливерпул ја зголеми понудата за Виртц, рекордниот трансфер е сè поблиску

Ливерпул ја упати својата втора понуда до Баер (Леверкузен) за Флориан Виртц. Според Дејви…