Пет тренери се во игра да го наследат Лампард

Челзи на почетокот од сезоната потроши многу пари за да доведе засилувања, но нивната игра во досегашниот дел од сезоната не ги радува премногу навивачите.

Свесен за тоа е и Френк Лампард, тренерот на Челзи кој многу лесно би можел да остане без работа ако неговата екипа продолжи да бележи лоши резултати.

Англиските медиуми пренесуваат дека Абрамович има листа од пет имиња како потенцијални наследници на Лампард.

Прв на листата е Томас Тухел кој долго време се поврзува, а сега конечно би можел да добие шанса да работи во Англија. Тука е и Масимилијано Алегри, па Ралф Хаснхутл, Брендан Роџерс и тренерот на Лајпциг, Јулијан Нагелсман.