Пепе испиша историја на ЕП, но каде ќе игра следната сезона?

Португалскиот стопер Пепе испиша историја на Европското првенство, бидејќи стана најстариот играч кој настапил на едно првенство.

Пепе ја предводеше одбраната на Португалија во победата од 2:1 над Чешка и со тоа стана најстариот учесник на едно европско првенство со 41 година и 113 дена.

Интересно е тоа што Пепе станува слободен играч бидејќи му истекува договорот со Порто и како што стојат работите бара нов клуб.

Засега нема индикации каде Пепe би можел да ја продолжи кариерата, но сигурно е дека нема да се пензионира, барем таква е неговата желба според медиумите.