Падна договор: Милан го купи големиот француски талент

Италијанските медиуми пренесуваат дека Милан постигнал договор со Бордо за трансфер на Јасин Адли.

21-годишниот играч за врска важи за еден од најголемите француски таленти и беше на мета на многу европски гиганти.

Милан успеа да ја победи конкуренцијата и за неговиот потпис ќе плати 10 милиони евра, а играчот денес ќе пристигне на прегледи во Милано.

Адли ќе стави потпис на 5-годишен договор, но оваа сезона ќе остане на позајмица во Бордо и следното лето ќе му се приклучи на Милан.

Адли е продукт на школата на ПСЖ, но во последните две години блесна во дресот на Бордо.

Тој е младински репрезентативец на Франција и може да игра на повеќе позиции во средниот ред, а се одликува со голема техника и преглед на играта.

Milan, colpo Adli: preso per 10 milioni, ma resterà un anno al Bordeaux https://t.co/XEjgAdbVmX

— La Gazzetta dello Sport (@Gazzetta_it) August 30, 2021