Тренерот на Атлетико Мадрид Диего Симеоне објави дека и наредната сезона ќе го предводи клубот, со што стави крај на шпекулациите дека би можел да биде идниот тренер на Интер од Милано.
„Останувам во Атлетико. Останувам тука бидејќи клубот има иднина, а таа иднина е заедничка за сите нас. Деновиве ќе имам состанок со раководството да видиме што понатаму. Имаме солидна основа“, изјави Симеоне.
Дербија во Мадрид и Минхен: Последна шанса за Тен Хаг? ↓↓↓
Атлетико сезоната ја заврши на третото место во Примера, а од доаѓањето на Симеоне, зимата 2012 година, клубот ја освои Примера, шпанскиот Куп, Супер купот на Шпанија и Супер купот на УЕФА, како и Лига Европа.
Атлетико синоќа го совлада Атлетик Билбао 3:1 во својот последен меч на „Винсенте Калдерон“, од наредната сезона „јорганџиите“ ќе играат на новиот ултра модерен стадион „Ванда Метрополитано“.
Учество во игри на среќа е дозволено за лица со 18+ години. Играј одговорно!