Официјално: Откажан тенискиот Мастерс во Мадрид

Oвогодинешните АТП и ВТА турнири во Мадрид кои треба да се играат од 12 до 20 септември се откажани поради пандемијата со коронавирусот.

Откако кон крајот на минатата недела одговорните во главниот на Шпанија ги советуваа организаторите да го откажат турнирот поради растот на бројот на заразени тоа и се случи.

„АТП и ВТА здружението го потврдуваат откажувањето на Мадрид Опен за 2020 година. Таа одлука е донесена во договор со локалните власти и здравствените организиации“, стои во заедничкото соопштение од АТП и ВТА.