Ренџерс продолжува да реди победи и да го притиска Селтик. Со убедливи 4-0 против Сент Џонстон на „Ајброкс“, домаќините ја намалија разликата во однос на ривалот на само еден бод.
Главната улога му припадна на Кевин Келси, кој враќањето во почетниот состав го одбележа со два погодока. Првиот го постигна пред паузата, по акција во која Минсу Ким го проигра Рајан Надери, а тој несебично му овозможи на својот партнер во нападот лесна завршница.
Сент Џонстон се обиде да го промени текот на средбата со три замени на полувремето и во продолжението имаше подобар период. Сепак, токму тогаш Ренџерс го зададе вториот удар: голманот Тоби Стјуард не успеа да го задржи ударот на Ким, а Надери ја искористи одбиената топка за 2-0.
Келси потоа повторно се запиша меѓу стрелците. По ударот со глава на Емануел Фернандез, тој ја пренасочи топката во мрежата на подалечната статива и ја отстрани неизвесноста околу победникот.
Конечните 4-0 ги постави резервистот Точи Чуквуани, кој го претвори центаршутот на Џеиди Гасама во погодок.
Ова беше седми триумф за Ренџерс во последните осум лигашки средби. Селтик, кој сега има само бод предност, в недела гостува кај Хибернијан во Единбург.
Учество во игри на среќа е дозволено за лица со 18+ години. Играј одговорно!