Две различни вести за учесниците во кошаркарската Лига на шампионите: Раста Вехта го ангажираше Џастис Суинг, а Теленет Џајантс Антверпен мора да продолжи без капитенот Нилс де Ридер.
Белгискиот шампион потврди дека Де Ридер го скинал предниот вкрстен лигамент на десното колено на неодамнешниот натпревар против АЕК. Повредата е сериозен удар за тимот кој досега нема пораз ниту во едно од двете натпреварувања: во БНХТ-лигата има биланс 3-0, а во Лигата на шампионите 2-0.
Следниот европски предизвик за Антверпен е закажан за 3 ноември, кога ќе гостува кај Салон Вилпас во салата „Купита“ во финскиот град Турку.
Вехта, пак, излез од лошиот европски почеток ќе бара и со помош на 27-годишниот Суинг, чие доаѓање беше договорено во петокот. Кошаркарот роден на Хаваи веќе има шест настапи во ова натпреварување, стекнати во дресовите на Бенфика и Антверпен, а сега му носи дополнителна опција на крилната позиција на тренерот Кристијан Хелд.
Германскиот состав загуби на првите два меча во групата Ф, па дуелот со Хапоел Холон во среда во „Раста дом“ е можност за првата победа. Пред тој натпревар, Вехта во сабота ја чека домашна пресметка со Трир, во која ќе се обиде да стигне до биланс 2-4 во германското првенство.
Учество во игри на среќа е дозволено за лица со 18+ години. Играј одговорно!