Озил дојде како ѕвезда, а од Арсенал ќе си оди бесплатно?

Месут Озил како голема ѕвезда дојде во Арсенал, но нема да замине со таков статус.

Арсенал е спремен да се откаже од Месут Озил без оштета, пренесуваат англиските медиуми. Арсенал не може да си дозволи да ја плаќа големата плата на германскиот фудбалер и затоа е спремен на лето да го пушти да си замине бесплатно.

Наводно во Арсенал си одредиле други приоритети, а тоа е да се обидат да задржат поважни играчи на кои договорот им истекува во 2021 година, во прашање се Пјер Емерик Обамејанг, Рис Нелсон и Букајо Сако.

Сумата од 350.000 фунти неделно е премногу за Арсенал и таа сума во клубот би ја насочиле кон споменатото трио за да им ги обноват договорите.

Озил во Арсенал пристигна летото 2013 годна од Реал Мадрид за 50 милиони евра и на почетокот беше лидер на тимот, но веќе две години наназад има константен пад на формата.

Ќе потсетиме, претходно Озил се поврузваше со заминување во Турција, а за Фенербахче најмногу се пишуваше како негова потенцијална дестинација.