Од Островот најавуваат: Де Геа наскоро потпишува!

Навивачите на Манчестер Јунајтед сигурно ќе бидат воодушевени од новиот потег на управата на клубот.

Првиот голман на Јунајтед и веројатно најважниот играч, Давид Де Геа наскоро ќе потпише нов договор со „црвените ѓаволи“, пренесуваат од Островот.

Голманот на шпанската репрезентација се поврзуваше со Реал Мадрид во секој преоден рок од 2015 година.

Со доведувањето на Тибо Куртоа значи дека таквите шпекулации конечно ќе завршат. Актуелниот договор на Де Геа истекува во 2019 година и тој има опција за продолжување на уште една.

Сепак, во Јунајтед не сакаат ништо да препуштат на случајноста и спремаат нов подобрен договор за шпанскиот голман.
Шпанецот помеѓу стативите на Јунајтед е уште од 2011 година кога Атлетико Мадрид се согласи да го продаде за 22.5 милиони фунти.

Засега нема информации за финасиските детали од договорот, но јасно дека Де Геа сигурно ќе добие значително покачување.