Одговор кој најмалку се очекуваше: Новиот договор на Роналдо, тоа не ме интересира?!

Мадридски Реал се уште не се договорил за продолжување на соработката со главната ѕвезда, Кристијано Роналдо.

Како што се наведува, раководството на клубот сакаше на Португалецот да му го продолжи договорот до 2022. година, но наводно најдобриот фудбалер на светот барал значително поголема плата за дополнителната година.

Меѓутоа, челниците на Реал не сакаа да ги прифатат таквите услови. Договорот со Роналдо се уште не е потпишан и засега нема назнаки дека тоа наскоро и ќе се случи.

Тренерот на „Кралевите“, Зинедин Зидан не сака многу да зборува за тоа и истакна дека тоа не е негова работа.

„Новиот договор на Роналдо? Тоа е проблем на раководството на клубот, а не мој. Не сакам да се мешам во нивната работа“, истакна кратко Зинедин Зидан.

Во текот на изминатите две недели голем број на фудбалерите, особено младите, ги продолжија договорите со Реал, а клубот на големо работи на доведување на фудбалери за во иднина.