Огромен интерес за Елмас од Англија, Шпанија и Германија

Агентот на Наполи, Елиф Елмас, Џорџ Гарди откри дека за македонскиот „дијамант“ постои интерес од многу клубови од најсилните лиги.

Репрезентативецот од Македонија забележа шест гола и три асистенции во Серија А оваа сезона, а во последно време многу се шпекулира за неговата иднина.

„Мислам дека Елиф е многу потценет фудбалер, а станува збор за млад играч кој има огромно искуство зашто веќе четири години игра на највисоко ниво. Има огромен интерес за него, зашто е поливалентен фудбалер, кој може да игра на четири позиции“.

„Пред него е голема иднина, но ќе следи евалуација со новиот тренер на Наполи, ќе видиме дали тој ќе верува во Елиф, секако и со раководството. Во зависност од тоа ќе бараме решение. Постои интерес за Елмас од Премиерлигата, од Ла Лига и од германски клубови“, потврди менаџерот Гарди.