Овен има „луда“ теорија: Мане не изнудува пенали, за Салах да не постигнува голови

Легендата на Ливерпул, Мајкал Овен изнесе во јавност „луда теорија“ со која крена прашина во англиската јавност.

Имено, Овен тврди дека Садио Мане намерно го „саботира“ Салах и не изнудува пенали за да не може Египќанецот да ги изведува.

Синоќа во дербито против Челзи, Мане имаше контакт со противничкиот дефанзивец во казнетиот простор, но не падна и се обиде да ја заврши акцијата.

„Не можев да си поверувам дека не падна во таа ситуација. Во ред, Мане имаше добар прием на топката и веројатно помисли дека може да постигне гол. Но, слично се случи за време на мечот против Шефилд, па ме стави во мислење дека Мане намерно не сака да изнуди пенал со цел да не му даде на Салах да постигне гол од белата точка“, изјави Овен.