Ова е главната трансфер цел на Милан – „росонерите“ спремија 50 милиони!

Напаѓачот на Торино, Андреа Белоти е најголемото откритие во Серија А оваа сезона и со своите партии го привлече вниманието на многу клубови во Италија и Европа.

Белоти заработи и повик во италијанската репрезентација каде на три натпревари постигна исто толку голови, па несомнено е дека станува збор за најдобриот италијански напапаѓ во моментов.

Торино му спреми нов договор и откупна клаузула од 90 милиони евра, но јасно е дека нема да може да го задржи и дека Белоти ќе биде ѕвезда на трансфер пазарот следното лето.

Италијанските медиуми пренесуваат дека најголем интерес за младиот напаѓач покажува Милан кој е спремен да плати 50 милиони евра за неговиот потпис.

Имено, „росонерите“ се спремни да го продадат Карлос Бака кој веќе има 30 години и на негово место да го донесат многу помладиот Андреа Белоти.

Притоа стратегијата на клубот е да има што повеќе Италијанци во својот тим, па Белоти би претставувал иднина на Милан заедно со Донарума, Ромањоли, Де Шиљо, Калабрија, Локатели, Нианг и Сусо.