Нов разочарувачки пораз на Шкендија (видео)

Македонскиот шампион Шкендија доживеа нов пораз во европските квалификации, овој пат на свој терен од Дуделанж (1:2).

„Црвено-црните“ загубија на националната арена „Тодор Проески“ иако првото полувреме го добија со 1-0 со погодокот на Ибраими во 7 минута.

Главен виновник за двата гола е младиот и неискусен голман на Шкендија Беким Реџепи кој го зазеде местото на Костадин Захов кој исто така правеше грешки на минатиот меч со Номе Калју.

Во 64-та минута успеа толку лошо да ја процени топката, па Бетаиеб израмни на 1:1. Само четири минути подоцна Реџепи направи прекршок врз противнички играч во сопствениот шестнаесетник и судијата покажа на белата точка, а сигурен реализатор на пеналот беше Даниел Синани.

Реваншот меѓу Дуделанж и Шкендија во Луксембург се игра во четврток, но после домашниот пораз мали се шансите за тетовчани.

Ale ta Shkendija ma ogórka w bramce ????? pic.twitter.com/BHTVeTN4hM

— Sympatyczny Żabol?????? (@sirtimon90) July 23, 2019