Новинарите го налутија Зидан: Ние бевме шампиони минатата година, не пред 10 години!

Тренерот на Реал Мадрид, Зинедин Зидан денес имаше судир со шпанските новинари.

Во последно време во шпанските медиуми на големо се пишува за можно заминување на Зидан од клупата на „кралевите“. Веќе се споменуваат и неговите можни наследници. Таквото прашање го налути Зидан.

„Дали сте сериозни кога ме прашувате дали ќе замина? Минатата година го освоивме првенство. Да, ние Реал Мадрид! Го освоивме првенство минатата година, не пред десет години. Треба да покажете малку почит кон тоа. Премногу работи зборувате и морате некогаш да водите сметка што зборувате и да носите одговорност. Кажете ми во лице се што имамете“, порача Зидан.

Зидан вети и борба за сите трофеи до крајот на сезоната.

„Ви ветувам и ви гарантирам дека нема да се откажеме од борбата за трофеи, ќе се бориме за нив до крај“.

Реал Мадрид во овој момент е на третото место во Ла Лига со 40 бодови и имаат 10 бодови помалку од нивнит градски ривал, Атлетико кој е лидер на табелата.