Некогаш освојуваа титули во НБА, а денес наредија 25 порази во низа

Tимот на Детроит е во неверојатно лоша форма и вчера го претрпе 25. пораз во низа оваа сезона.

Клубот кој зад себе има три шампионски титули и пет конференциски поминува низ една од своите најголеми кризи и нареди 25 порази во низа со што го израмни негативниот рекорд во својата историја.

Вчера во рамноправен натпревар беа поразени од Јута со 119:111. Од трибините можеа да се слушнат и скандирања на навивачите против управата кои бараа клубот да биде продаден.

Во НБА лигата рекордот со најмногу порази го држи Филделфија која нанижа 28 порази од крајот на сезоната 2015/2016 до почетокот на следната.