НБА драфт: Орландо како прв пик го избра Паоло Банкеро

Eкипата на Орландо Меџик изненади на НБА драфтот и како прв пик го избра Паоло Банкеро, а не Џабари Сми какви што беа најавите.

Банкеро во изминатата сезона настапуваше на Универзитетот Дјук и оствари просек од 17.2 поени, 7.8 скока и 3.2 асистенции по натпревар. Втор пик беше Чет Холмгрен од Гонзага кој го избра Оклахома, Џабари Смит како трет пик заврши во Хјустон.

На овој драфт НБА лигата доби и уште еден Србин. Никола Јовиќ како 27-ми пик беше избран од Мајами. Крилниот кошаркар кој е роден 2003 година е висок 211 сантиметри.

Joвиќ доаѓа од тимот на Мега која имаше и уште еден играч на овој драфт, Карло Матковиќ кој како 52. пик беше избран од Њу Орлеанс.