Најскапиот играч на Реал не одигра ниту минута во Ел Класико

Еден Азар е најскапо засилување во историјата на Реал Мадрид, откако „кралевите“ во 2019 година за него платија 115 милиони евра.

Белгиецот пристигна како еден од најдобрите фудбалери во Европа и требаше да биде големо засилување, но испадна најголемо промашување.

Поради честите повреди и неподготвеноста, тој за речиси четири години одигра само 73 натпревари за Реал, а неговата статистика е особено поразителна кога се во прашање натпреварите со Барселона.

Синоќа се одржа десеттото Ел Класико откако Азар стана играч на Реал, а на него по десетти пат не одигра ниту минута.

Од 10-те Ел Класика, шест од нив ги гледал од клупата за резервни играчи, додека четири пати не бил ниту на клупата поради повреда.