Надал го симна Ѓоковиќ од врвот на АТП листата

Шпанецот Рафаел Надал е нов лидер на најновата АТП ранг листа објавена денеска.

Надал е прв со 9.585 бода пред досегашниот лидер Новак Ѓоковиќ кој е второпласиран со 8.945.

Битката за првото место на крајот од годината, Ѓоковиќ и Надал ќе ја водат веројатно на турнирот во Лондон. Претпоставките се дека Шпанецот ќе се опорави навреме за завршните битки во годината.

Доколку Надал добие два меча во групите, тогаш Ѓоковиќ за да биде прв, мора да го освои турнирот. Но, ако Надал не игра во Лондон, тогаш и пласман во финалето ќе му заврши работа на Ѓоковиќ.

Во Топ 10 се уште:

3. Роџер Федерер (Швајцарија) – 6.190
4 .Данил Медведев (Русија) – 5.705
5. Доминик Тим (Австрија) – 5.025
6. Стефанос Циципас (Грција) – 4.000
7. Александар Зверев (Германија) – 2.945
8. Матео Беретини (Италија) – 2.670
9. Роберто Баутиста Агут (Шпанија) – 2.540
10. Гаел Монфис (Франција) – 2.530.