Навас останува во Мадрид и добива нов договор

И покрај шпекулациите за негово заминување, Кејлор Навас ќе остане во Реал Мадрид, тврди еминентниот „АС“.

Договорот на Навас со Реал Мадрид истекува во 2020 година, а оваа сезона со доаѓањето на Куртоа тој се пресели на клупата, па поради тоа почнаа шпекулации за негово заминување.

Меѓутоа 31-годишниот Костариканец не се плаши од конкуренцијата, па доби доверба од тренерите да брани во Лигата на шампиони.

„АС“ пренесува дека Навас нема проблем со статусот на втор голман и наскоро ќе стави потпис на нов договор до 2021 година.