Мурињо открива како Матиќ завршил на „Олд Трафорд“

Жозе Мурињо пред дербито на колото во Премиер лигата против Челзи открива како успеал да го доведе Немања Матиќ во текот на летниот преоден рок.

Навивачите на Манчестер Јунајтед доведувањето на Матиќ го сметаат за еден од најдобрите потези на клубот во последните неколку години, а Португалецот сега го открива начинот на кој Србинот пристигнал на „Олд Трафорд“.

„Бев изненаден кога во текот на летото ме побара агентот на Матиќ и ме праша дали сум заинтересиран за него. Изненаден бев затоа што тоа е менаџер кој добро го познавам, директен и конкретен човек кој не сака да губи време. Кога ми соопшти дека можам да го доведам Немања ако сакам, веднаш одговорив, секако дека сакам“, открива Мурињо.

Натпреварот помеѓу Манчестер Јунајтед и Челзи на програмата е во недела во 17:30 часот.