Мурињо објасни зошто Турпан е „еден од најдобрите“ во светот и ги насмеа сите во студиото 🎥

Во вчерашниот натпревар од Лигата на Европа, Фенербахче и Манчестер Јунајтед ремизираа 1:1. Турскиот гигант создаде повеќе прилики, но на крајот не успеа да дојде до победата.

Жозе Мурињо не го дочека крајот на натпреварот на клупата и во 58. минута заработи црвен картон. Португалецот сметаше дека не го заслужил, а по натпреварот и иронично го коментираше судијата Клемен Турпан.

„Не би сакал многу да зборувам за тоа, но тоа што тој ми го кажа е навистина неверојатно. Ми кажа дека успеал во исто време да ја види акцијата во шеснаесетникот и моето однесување крај аут линијата.

 Му честитам затоа што е навистина фантастично да имаш една таква визија и за време на натпреварот да имате едно око во шеснаесетникот и едно на клупата за моето однесување. Такво објаснување ми даде. Затоа е еден од најдобрите во светот“, изјави Мурињо.