Мурињо зборуваше за навивачите на Јунајтед и ги навреди како никогаш до сега

Манчестер Јунајтед во 26. коло од Премиер лигата на „Олд Трафорд“ со 2:0 го пбоеди Хадерсфилд.

Првиот гол на натпреварот го постигна Лукаку во 55. минута, а 13 минути подоцна и првенецот во дресот на „црвените ѓаволи“ го постигна Алексис Санчез. Чилеанецот по гостувањата кај Јеовил и Тотенхем го одигра првиот натпревар на домашен терен. Во 68. минута избори пенал кој потоа и го изведе, ударот му го одбрани голманот Лосл, но Санчез беше најбрз на одбиената топка и го постигна својот прв гол како играч на Манчестер Јунајтед.

„Санчез го одигра својот прв натпревар на „Олд Трафорд“, меѓутоа навивачите беа релативно тивки. Теренот е голем, травата е одлична и играчите очигледно сакаат да играат овде“, изјави Мурињо.

Тренерот на Јунајтед потоа ја објасни својата изјава за „тивкиот стадион“.

„Се сеќавам кога игравме против Портсмут на „Фратон Парк“, мал стадион, но атмосферата на него беше навистина фантастична. А овде не е многу ентузиастично“, додаде Мурињо.

Португалскиот стратег неодамна го продолжи договорот со Јунајтед до 2020. година, а времето ќе покаже како навивачите ќе ја сфатат оваа изјава.