Мурињо го сака Манџукиќ и му нуди трампа на Јувентус

Марио Манџукиќ имаше уште една одлична сезона во дресот на Јувентус, а добрите игри ги пренесе и на Мундијалот.

Италијанските медиуми пренесуваат дека Жозе Мурињо покажува сериозен интерес за Хрватот и сака да го донесе на „Олд Трафорд“ ова лето.

Наводно „Специјалниот“ и понудил трампа на „старата дама“ и за да го добие потписот на Манџукиќ е спремен да го испрати Матео Дармијан во Торино.

Дармијан е желба на „бјанконерите“, но прашање е дали ќе се согласат да се откажат од Манџукиќ, со оглед на фактот дека напаѓачот е миленик на тренерот Макс Алегри.