Спортскиот директор на Рома, Мончи, денеска отпатува во Бостон каде ќе се состане со претседателот на клубот Џејмс Палото.
Рома оваа сезона не игра најдобро, а како најголем кривец се посочува Ди Франческо. За тренерот на Волчицата се веруваше дека ќе добие отказ после натпреварот со Џенова, но очигледно челниците на клубот ќе му дадат дополнителна шанса.
Диск голф го освојува светот, а го нема во Македонија!? ↓↓↓
Со недели се шпекулира дека Ди Франческо ќе го напушти клубот, а како прва опција за негова замена се споменува Антонио Конте. Сепак, и покрај лошите резултати Мончи изјави дека Ди Франческо добил подршка од клубот и сигурно ќе остане на Олимпико.
„Нашето мислење за тренерот не е променето и тој ја има целосната подршка од клубот. Не можам да ви кажам како се чуствува, но можам да ви кажам дека сигурно останува тренер на Рома. Не го менувам толку лесно своето мислење за луѓето.“ – изјави Мончи.
Учество во игри на среќа е дозволено за лица со 18+ години. Играј одговорно!