Може ли полошо за Барселона? На два дена до почетокот на сезоната новите играчи не се регистрирани

Каталонскиот великан Барселона има сериозни финансиски проблеми.

Долговите на тимот од Камп Ноу одамна поминаа милијарда евра, а тие проблеми на крајот им донесоа и разделба со иконата на клубот Лео Меси.

Клубот објави дека се разделува со него, а Лео вчера потпиша двегодишен договор со француски ПСЖ.

Дека каталонскиот клуб е во сериозни финансиски проблеми доволно зборува и ситуацијата со новите играчи кои се приклучија на клубот ова лето.

Мемфис Депај, Агуеро, Емерсон и Гарсија се уште не се регистрирани, иако до почетокот на сезоната останува уште два дена.