Милан тргнува по ѕвезда од Премиер лигата

Играчот на Лидс, Рафиња ќе биде примарна цел на Милан во летниот преоден рок, пренесуваат медиумите во Италија.

25-годишното десно крило Рафиња игра фантастично во Лидс и веќе е стандарден бразилски репрезентативец.

Бразилецот го привлече вниманието на многу европски гиганти, меѓу кои Манчестер Јунајтед и Ливерпул.

Милан сака да ја победи конкуренцијата и веќе стапил во контакт со неговиот агент бидејќи примарна цел на „росонерите“ е засилување на десната крилна позиција.

Лидс за потписот на Рафиња минатото лето плати 20 милиони евра, а неговата цена оваа сезона значително порасна.

Медиумите пренесуваат дека Милан спрема понуда од 40 милиони евра и се верува дека тоа ќе ги задоволи финансиските апетити на Лидс.