Милан тргнува по новиот француски „бисер“

Италијанските медиуми пренесуваат дека Милан е силно заинтересиран за младата ѕвезда на Ница, Алан Сент Максимин.

Максимин оваа сезона блеска во дресот на Ница и го привлече вниманието на многу европски гиганти.

21-годишниот Французин игра како крилен напаѓач и негови главни квалитети се брзината и исклучителната техника, а притоа има и одлично чувство за гол.

Скаутите на Милан го следат веќе подолго време и се убедени дека одлично ќе се вклупи во Серија А, па наводно веќе стапиле во контакт со неговиот менаџер.

„Росонерите“ сакаат да ја победат конкуренцијата и што е можно побрзо да го договорат трансферот, а Ница за неговата слобода бара 20 милиони евра.

Останува да видиме дали Милан е спремен да ја плати оваа сума, но „Тутоспорт“ пренесува дека интересот на италијанскиот гигант е голем и конкретен.