Милан договори полски репрезентативец

Дефанзивецот на Специја, Јакуб Кифор ќе ја продолжи кариерата во Милан, пренесуваат полските медиуми.

Медиумот открива дека Милан ја победил конкуренцијата и постигнал договор со дефанзивецот, само нема информација дали трансферот ќе се реализира во јануари или следното лето.

22-годишниот Кифор минатата сезона се етаблираше во еден од најдобрите млади дефанзивци во Серија А и покажа дека е огромен потенцијал.

Тој го привлече вниманието на многу европски клубови, а силен интерес за него покажуваат уште Јувентус, Рома, Вест Хем и Лестер.

Меѓутоа, Милан реагираше брзо и постигнал договор со Специја, а ги договорил и личните услови со агентот на полскиот репрезентативец.