Мејведер се предомисли и борба ќе има: Ќе биде тоа најплатената егзибиција во историјата (ВИДЕО)

Флојд Мејведер сепак ќе се бори во Ризин во последниот ден од оваа година.

Противник ќе му биде Тенишна Насукава, јапонскиот кик-боксер против кого Мејведер требаше да се бори, но потоа одлучи да се откаже.

Американскиот боксер сметаше дека бил измамен од страна на Јапонците и дека закажаната борба требало да биде егзибиција помеѓу неколку луѓе, а не голем настан кој ќе се пренесува ширум светот.

Флојд сепак го смени мислењето после разговорот со првиот човек на Ризин, Нобуки Сакакибира и на крајот сепак се ќе биде егзибиција.

„Тоа никогаш не требало да биде официјална борба, туку егзибиција. На крајот таа ќе се случи и ќе биде најплатената егизибиција во историјата. Само од промоцијата заработив сума со седум цифри. Станува збор за егзибиција без никакви удари со нозе. Јас и тој тип девет минути ќе се движиме во рингот и тоа добро ќе го наплатиме“, изјави Флојд.

"We're gonna make it happen. Rules? It's gonna be a little boxing exhibition. No kicking. I'm moving around with the guy for 9 minutes, and of course it's gonna be the highest paid exhibition ever." #RIZIN14 pic.twitter.com/fZjaN7RWGI

— Yodsanan (@_Yodsanan) November 15, 2018