Меси: Ќе почуствувам кога ќе дојде времето да кажам – доста е

Сигурно дека сите фанови на Барселона сакаат што подолго да го гледаат Лионел Меси во дресот на Барселона.

Ѕвездата на Каталонците неколку пати претходно истакнуваше дека ќе остане во Барселона скоро до крајот на својата кариера и дека има желба последната сезона да ја одигра во Њуелс Олд Бојс, клубот каде што ги направи првите фудбалски чекори.

Во разговор за шпанските медиуми Меси потврди дека не размислува за тоа кога ќе ја заврши кариерата, ниту пак има точна година кога тоа ќе се случи. Но Аргентинецот откри дека ќе знае кога е дојдено времето да каже – крај.

„Желбата за фудбалот е поголема со секој ден и се уште имам пред себе многу предизвици. Сакам да освојам уште многу титули и да постигнам уште многу голови. Не знам кога точно ќе кажам крај, но знам дека ќе почустувам кога ќе дојде времето за тоа. Сепак, во овој момент не сакам да размислувам на таа тема“, изјави Меси.