Масовна преселба на фудбалските ѕвезди: И Диего Коста ќе бега за Кина?

Првиот стрелец на Челзи Диего Коста вели дека тој не е задоволен со животот во Лондон и навести дека на крајот на сезоната ќе го напушти премиерлигашот од „Стемфорд Бриџ“.

Диего Коста и зимата сакаше да го напушти Челзи и да оди во Тијанџин Кванжан за плата од околу 700.000 евра неделно, но „сините“ ја одбија понудата.

Англиски „Дејли Мирор“ пишува дека Кинезите на лето повторно ќе се обидат да го реализираат трансферот.

„Среќен сум во Челзи, но не можам тоа да го речам и за животот во Лондон. Ова е нешто сосема различно и нема врска едно со друго. Челзи многу ми даде, сум во екипа која победува и тоа многу мотивира, но ќе видиме каква ќе биде мојата судбина“, изјави шпанскиот репрезентативец.

Лидерот во премиер лига веќе има најдено замена за евентуалното заминување на Коста, а тоа е Ромелу Лукаку од Евертон.