Марсеј и Монако ги поделија бодовите, ПСЖ ја зголемува предноста

Дерби натпреварот во Лига 1 се одигра вечерва помеѓу Марсеј и Монако, кој заврши без победник (2:2).

Натпреварот започна добро за гостите, кои во 4 минута дојдоа до водство со голот на Кеита. Радоста на фудбалерите на Монако траеше само три минути, кога Рами погоди за израмнување.

Две минути игра во вториот дел беа потребни Марсеј да направи комплетен пресврт. Се играше 47. минута кога Жерман погоди за водство на домаќините со 2:1, но четири минути подоцна Фабињо со многу среќа направи ‘слалом’ низ одбраната и погоди за 2:2.

Тешко е да се каже на кој највеќе му одговара овој резултат, бидејќи и Марсеј и Монако го зголемија заостанувањето во бодовна разлика зад лидерот ПСЖ. Парижаните се најголеми добитници после ова коло кои повторно имаат двоцифрена преднос во однос на конкурентите.