Манчестер Јунајтед го праќа Баи на позајмица

Манчестер Јунајтед планира да го испрати дефанзивецот Ерик Баи на позајмица за следната сезона.

Најсилен интерес за 26-годишниот дефанзивец покажува Валенсија, па Баи би можел да се врати во Примера.

Честите повреди го одбележаа целиот престој на Баи во „Олд Трафорд“. Дефанзивецот го загуби местото во првиот тим и сака да ја промени средината за да има поголема минутажа.

Солскјер оваа сезона им дава доверба на Мегваер и Линделоф, притоа планира да купи уште еден дефанзивец ова лето.

Поради тоа Јунајтед е спремен да му дозволи на Баи да замине ова лето, притоа е спремен да го пушти на позајмица со право на откуп.