Малолетната ќерка на славниот руски голман обвинета за трговија со дрога

Ксенија Малафејев, ќерка на поранешниот голман на Зенит Санкт Петербург, Вјачеслав Малафејев предизвика скандал во Русија.

Проблематичната тинејџерка е обвинета дека е дилер на дрога и според најновите информации е пуштена од притвор со забрана за напуштање на градот и моментно е сместена на локална клиника под медицински надзор.

Сопругата на Малафејев загина во сообраќајна несреќа во 2011 година поради што тој мораше предвреме да ја заврши кариерата и да се посвети на грижата на двете деца.

16-годишната Ксенија избегала од својот дом на почетокот од оваа година, објаснувајќи дека не сака да живее во семејство во кое се чувствува како странец, а сега е обвинета за трговија со дрога.