Македонија го претрпе првиот пораз на младинското ЕП

Младинската машка селекција го запиша првиот пораз на Европското првенство во Словенија.

Денес нашите млади ракометари беа поразени од селекцијата на Франција со резултат 18:25, на натпреварот кој се оддигра во салата „Головец“ во Целје.

Младинците до крајот на првенството ќе оддиграат уште два натпревари во кои ќе се борат за некоја од 9. до 12. позиција.

Противниците на нашите ракометари ќе ги дознаеме по оддигрување на натпреварите од групата I2 во која се селекциите на Унгарија, Словенија Хрватска и Србија.