Суарез и Меси вечерва ќе носат посебни броеви

Репрезентациите на Уругвај и Аргентина вечерва ќе играат важен натпревар во квалификациите за пласман на Светското првенство.

Двете репрезентации се наоѓаат во катастрофална форма и нивниот настап на Светското првенство наредната година во Русија е ставен под знак прашалник, а посебно ќе биде загрозена репрезентацијата која вечерва ќе биде поразена, додека реми нема многу да им помогне и на едните и на другите.

Интересно, двете главни ѕвезди на овие репрезентации, Лео Меси и Луис Суарез ќе носат посебни броеви. Имено, Суарез место препознатливата „деветка“ ќе носи дрес со број 20, додека Меси место својата „десекта“ ќе го носи дресот со број 30.

Причината е поддршката за заедичката кандидатура за организирање на Светското првенство 2030 година. Да потсетиме, натпреварот помеѓу Уругвај и Аргентина се игра вечерва со почеток од 01:00 часот по полноќ.