Лоши вести за ПСЖ: Мбапе нема да игра на двата натпревари против Реал

Напаѓачот на ПСЖ, Килијан Мбапе надвор од теренот ќе помине најмалку два месеци поради повредата добиена во неделното дерби против Лион, пренесуваат медиумите во Франција.

19-годишниот фудбалер сериозно се судри со голманот на Лион и тешко се повреди, а доколку оваа информација се потврди, Мбапе ќе ги прескокне двата натпревари од осмина финалето во Лигата на Шампионите против Реал Мадрид (14. февруари и 6. март).

Младиот напаѓач минатото лето од Монако пристигна во ПСЖ и оваа сезона постигна 9 гола во 17 натпревари во националниот шампионат, додека во Лигата на Шампионите постигна 4 гола во 6 натпревари.

ПСЖ во дербито со Лион загуби со 2:1, но и понатаму сигурно до држи првото место на табелата.