Ливерпул ја сака германската ѕвезда, но проблем е цената

Играчот за врска на Борусија Мехенгладбах, Флориан Нојхаус е на мета на неколку европски гиганти.

23-годишниот играч за врска блеска во дресот на Мехенгладбах, а медиумите тврдат дека Баерн Минхен веќе подолго време го следи играчот за врска.

Сега во трката за неговиот потпис се приклучи Ливерпул, но проблем е високата цена.Играчот има откупна клаузула од 40 милиони евра, сума која „црвените“ не се спремни да ја платат во моментов.

Ливерпул е во потрага по квалитетен играч за врска, а Нојхаус е најголема желба на Клоп, па Ливерпул ќе се обиде да ја намали цената преку преговори со германскиот клуб.