Ливерпул тргнува по ѕвезда од Бундес лигата

Играчот за врска на Борусија Мехенгладбах, Флориан Нојхаус е на мета на неколку европски гиганти.

23-годишниот играч за врска блеска оваа сезона во дресот на Мехенгладбах, а медиумите тврдат дека Баерн Минхен веќе подолго време го следи играчот за врска.

Сега во трката за неговиот потпис се приклучи Ливерпул, кој е спремен да го „украде“ играчот пред носот на Баерн Минхен.

Нојхаус оваа сезона одигра 24 меча во Бундеслигата на кои постигна 5 гола и запиша 4 асистенции, а Клоп верува дека ќе биде идеална замена за Вајналдум.

Играчот има откупна клаузула од 40 милиони евра, сума која двата клуба се спремни да ја платат, но играчот преферира преселба во Ливерпул.