Ливерпул со рутинска победа против Брајтон ја продолжи трката со Манчестер Сити 🎥

Фудбалерите на Ливерпул денес на гостински терен го победија Брајтон со 2:0 во рамките од 29. коло во Премиер лигата.

„Црвените“ успеаа да дојдат до нови три бода и така да ја продолжат трката со лидерот Манчестер Сити. Ливерпул денес беше голем фаворит и таа улога гостите успеаа да ја оправдаат. До предност Ливерпул стигна уште во 19. минута кога голот за 1:0 го постигна Луис Диаз после асистенцијата од Матип.

И во продолжение од натпреварот Ливерпул го диктираше темпото. Одлична шанса во 57. минута имаше Мане, но неговиот удар заврши во пречката. Само четири минути подоцна Ливерпул дојде до водство. Досуден беше пенал кој го реализираше Салах.

До крајот Ливерпул го смири темпото на игра и го приведе натпреварот кон крајот. На табелата Ливерпул е второпласиран со 66 бодови и имаат три бода помалку во однос на Сити. Брајтон е на 13. позиција со 33 бода.