Ливерпул сака да го задржи Салах, му спреми нов договор

Раководството на Ливерпул не сака да се раздели со големата ѕвезда на тимот Мохамед Салах и наскоро ќе започне преговори.

Актуелниот договор на играчот истекува на крајот на сезоната, а неодамна изјави дека ја игра последната сезона на „Енфилд“ и никој не му понудил нов договор.

Салах уште во јануари може слободно да преговара со заинтересираните клубови, па поради тоа Ливерпул сака што побрзо да седне на преговарачка маса.

Според трансфер експертот Фабрицио Романо, Салах сака да остане во Ливерпул и е подготвен да преговара за нов договор.