Ливерпул има страшен напад, а Клоп нуди 100 милиони за напаѓач

Тренерот на Ливерпул, Јирген Клоп е спремен да плати 100 милиони евра за германскиот напаѓач Тимо Вернер, пренесува „Билд“.

22-годишниот Германец брилјира оваа сезона во дресот на Лајпциг, а „Билд“ тврди дека Клоп е спремен да плати неверојатни 100 милиони евра за неговиот потпис.

Тимо Вернер оваа сезона на 37 натпревари веќе постигна 18 гола, а Ливерпул наводно веќе го контактирал неговиот агент.

Напаѓачот е спремен да ја промени средината и сака да ги слушне сите понуди на заинтересираните клубови, па поради тоа „црвените“ сакаат да ја победат конкуренцијата и што е можно побрзо да го договорат трансферот.

Вернер неодамна истакна дека би сакал да се пресели во Премиер лигата, но откри дека неговиот сон е да игра за Манчестер Јунајтед.